نن پوره نهمه ورځ ده چي د مارجي پر بيوزله ولس باندي تندر را پريوتلي ده او خداي خبر چي تر څه وخته به روان وي، که څه هم ولسمشر،دکورنوچارو وزير،ددفاع وزير،دهلمند والي او نړيوالو ځواکونودا وعده کړي وه چي پدي ((مشترک))عملياتوکي به ملکي خلکو ته زيان نه رسوي خو اوس وينو چي له يوي خوا له دوه زرو نه ډيري کورنۍ بيځايه شوي او دهلمند ولايت په مرکزلښکرګاه او نورو سيموکي بي سرپنا او په
لدي ټولو ناخوالوسره چي د مارجي ولس ورسره مخ ده بيا هم افغان دولت په ځانګړي ډول دهلمند ښاغلي واليصاحب ګلاب منګل ددي پرځاي چي ديوه مشر په حيث دهيوادوالو پدي بده ورځ ودرديږي او افسوس وکړي دومره په وياړ وايي لکه غازي امان الله خان چي دهيواد خپلواکي اعلانوي چي دمارجي ولسوالي فتحه شوه عمليات په بريالي ډول پرمخ روان دي اوکيداي شي عمليات نور هم وغزيږي. زه له واليصاحب نه پوښتم چي دا څرنګه بريالي عمليات دي چي له دوه زره نه زياتي کورني دي دمرګ له ويري خپل کورکلي هرڅه پريږدي اوپه لښکرګاه کي بي سرپناه ستا رحم اومهرباني ته شپي او ورځي تيروي؟
داڅرنګه بريالي عمليات دي چي د دوو ولسواليو اوسيدونکي ښځي،کوچنيان ځوانان اوسپين ږيري دي نهه ورځي وږي کلابند اودژوند اومرګ تر منځ دي شپي تيروي؟
داڅرنګه بريالي عمليات دي چي ديوي کورنۍ لس غړي دکوچنيانو په ګډون په خپل کورکي وژل کيږي کوم چي دولايت مرستيال پخپله په روغتون کي وليدل او تاييد يي کړل چي ملکي وګړي دي؟
د پورتنيو حالتونو اودمارجي داوسيدونکودبدي ورځي په پام کي نيولوسره تاسودا پريکړه وکړي چي ايا دا عمليات به دخلکو او دولت ترمنځ واټن کم کړي اوکه به له دولت څخه دخلکوکرکه را وپاروي؟ اويا داچي ايا دافغانانو دا غم لړلي ورځ ددولت لپاره افسوس اوشرم ده که فخر او وياړ؟
زه دي ته حيران يم چي دواليصاحب احساسات ددي ځوريدلي ولس په وړاندي رښتيا هم دومره کمزوري دي؟ اوکه د وياړ او شرم ترمنځ توپير نشي کولاي؟
ليکوال:عبدالمقيم افغان