زما ټپي او ژوبل ژوبل هیواد
بیا دمو هم غچ په لمبو کې سوزي
بیا د وحشي ناتار منګول کې ګیر دی
بیا هغه سوي لولپه ښارونه
بیا هغه وران او کنډوالې کورونه
د توغندیواو بمونو لاندې
په دوړو خاورو
او ایرو بدلېږي
بیا د ښکيلاک
تور سړیخوره او داړونکې ليوان
په انساني څيره کې
د وینو غوښو
په لټون وتلي
هغه بې پلاره او يتيم ماشومان
بیا هغه کونډې ځورېدلې ميندې
له تېر ناتار نه چې ژوندي پاتې دي
د دې داړونکو شرمښانو
د هوس نښه دي
دا ټيکدارد انساني حقونو
د انساني حق په نوم
څومره وحشت څومره نادوده کوي
شهید راه انسانی
( شهید داکتر نجیب الله)
انسان او طبیعت :
لکه وریځې نس کې پټه ده بریښنا
هسې مېشت ده د تیارې منځ کې رڼا
که د ځمکې یو اړخ تور لکه تبۍ ده
په رڼا او په ځلا ده بله خوا
سوله او امن غواړو
شاعر : سمیع الدین افغاني
زمونږ د امن د سکون خبر ده
دا د یو والي ،پیوستون خبر ده
دلته کې سوله مونږ امان غواړو
بیا رغونې د سمون خبر ده
که تشدد دی یا د سولې پیغام
دغه د وخت دا د ازمون خبر ده
مونږه د ظلم، اسارت خلاف یو
په سوکالۍ کې د ژوندون خبر ده
دا مو ده هیله دا آرمان زړګو کې
دې بد حالت نه دخلاصون خبر ده
د افغانیت، اسلام ، وطن تر نامه
د یو روښانه سباوون خبر ده
د ظلم ، زور او دهشتګرو مخ ته
د ټول افغان د یو تړون خبر ده
دننګ په نیت به نور یوکیږو سره
ددې ظلمت نه د بدلون خبر ده
دی پوه تدبیرورته پکار ملګرو
د پوهې لارې د لټون خبر ده
دا مو ټینګ عزم ، اراده کړې ده
د انقلاب د ستر پاڅون خبر ده
د ننګ، غیرت په لار به ځو مطلب ته
دا مو د ژوند دا مو د شتون خبر ده
-------------------------
۷ – ۷ - ۲۰۱۹
م ۰ کال
