عبدالعزیز پرهیز

زه دردېدلی کړېدلی ځلمی

زه زورېدلی زپل شوی ځلمی

زه یم لوی شوی د ناخوالو منځ کې

له تاوتریخوالي ځوکېدلی ځلمی

موسمونه چې تل ځي راځي بدلېږي
د وخت خپل ځواکمن اغېز په کې چلیږي
د جهان دهستۍ راز پټ دی خوځښت کې
تمتیا نشته هر څه وړاندې ځي بهېږي

عبدالملک پرهیز

د ژمي د ها شپو په مجلسو کې څومره خوند ؤ
د دیو او ښاپېریو ها قصو کې څومره خوند ؤ
یادېږي ماته هغه اوږدې شپې او تورتمونه
په ټنګ او په ټګور د ها حجرو کې څومره خوند ؤ