راپور : شفيع شاکر / لوګر

د لوګر ولايت د کليو د بيارغونې او پراختيا رياست له لورې د ياد ولايت د خوښۍ ، ازرې ، چرخ او محمداغې ولسواليو په (۲۰۰) دوه سوه سيلاب ځپلو کورنيو د عيرې خوراکي توکو مرسته وويشل شوه .

د لوګر ولايت د کليو د بيارغونې او پراختيا ريس انجينر عاشق الله اخلاصيار د مرستې د ويش پر مهال وويل چې ، په دې مرسته کې د ۳۰۰۰۰۰ درې لکه افغانيو په ارزښت ۲۰ خيمې ، د ۴۰۰۰۰۰ څلور لکه افغانيو په ارزښت ۸۰۰ اته سوه کمپلې او د ۱۰۰۰۰۰ يو لک افغانيو په ارزښت ۲۰۰ ترپالونه شامل دي

اسدالله غيرت

له نن څخه تقريبآ څلور کاله وړاندې مې د خپلې سيمې په يوه دولتي ښوونځي کې د ښوونکي مقدسه دنده ترسره کوله ، هره ورځ به له دندې سره د بې کچې مينې له امله له درسي ساعت شل او يا هم ديرش دقيقې وړاندې ښوونځي ته تلم او په پوره مينه او لوالتيا مې خپل مضمون تدريسوه ، د ښوونځي نورو ښوونکو زما په دې عادت پسې خندا کوله او پس شاه به يې يو بل ته ويل چې (( غيرت ليونی شوی ؛ وختي ښوونځي ته راځي او تر دولسو بجو پورې درس ته مټه وي )) د ښوونځي ښوونکي بيا زما په شان نه و ، د درسي ساعت له پيليدا به نيم او يا هم پوره يو ساعت وروسته ښوونځي ته راتلل ، دوه ساعته به يې تدريس کاوه ، باقي به يې په اداره کې شخصي مجلسونه کوله ؛ خو ماته به يې د ليوني حطاب کاوه

عنايت الله هيوادمل
دا چي په اسلامي شرعیت کي د نارینه وو، ښځو او ماشومانو له پاره بېلابېل حقوق ټاکل سوي دي، نو ماشوم پر خپل پلار باندي ګڼ شمېر حقوق لري.
۱: له یوې صالح او پتمني ښځي سره به نکاح کوي ځکه په اولاد کي د مور ارثي خویونه او د مور تربیه اثر کوي.
۲: د ماشوم بل حق دا دی چي والدین به پر خپل اولاد باندي ښه نوم ږدي.
۳: د ماشوم درېیم حق دا دی چي کله کوچنی پیدا سي په یوه غوږ کي ئې اذان او په دوهم غوږ کي ئې د اقامت کلمې ویل ثابت دي او دا سنت دی. رسول الله0 په خپله د حضرت حسن په غوږو کي د اذان او اقامت کلمې ویلي دي او د هغه حکم ئې هم ورکړی دی.
۴: د ماشوم څلورم حق دا دی چي د ماشوم عقیدوي، اخلاقي او جسمي تربیه به کوي او داسي نور.
درنو لوستونکو! ما د ماشوم پر دوهم حق دا څو کرښي ليکلي، چي له بده مرغه دغه حق ئې پاملرنه نه کېږي.
که چېري موږ او تاسو په خپله ټولنه کي وګورو نو ډېری داسي ځوانان به ووینو چي اصلي نوم یو څه وي خو د کورنۍ او یا د ملګرو له خوا څخه ورته په بل نامه ویل کیږي.